လယ်မြေအငြင်းပွားမှုတွေ ဆွေးနွေးဖြေရှင်းဖို့ တိုက်တွန်း

မြန်မာနိုင်ငံ တစ်ဝှမ်း ဆန္ဒပြ လယ်သမားတွေ ဖမ်းဆီး ထောင်ချ ခံရမှုတွေနဲ့  လောလောဆယ် ပေါ်ပေါက်နေတဲ့ လယ်ယာမြေ အငြင်းပွားမှု ပြဿနာတွေကို ထိထိ ရောက်ရောက် ဖြေရှင်းဖို့ အတွက် အားလုံးပါဝင်တဲ့ ဆွေးနွေးပွဲ တစ်ခုကနေ ပူးတွဲကော်မတီတစ်ရပ် ဖွဲ့စည်းလုပ်ဆောင်သွားဖို့ လိုအပ်တယ်လို့ မြန်မာနိုင်ငံ တောင်သူလယ်သမားအသင်းက တိုက်တွန်းလိုက်ပါတယ်။

မြေယာသိမ်းဆည်းခံရမှုနဲ့ ပတ်သက်လို့ အစိုးရနဲ့ လွှတ်တော်က ကော်မတီ ဖွဲ့စည်း ဆောင်ရွက်နေပေမယ့် ထိရောက်မှုမရှိတဲ့ အတွက် အခုလို တိုက်တွန်းရတာဖြစ်တယ်လို့ မြန်မာနိုင်ငံ တောင်သူလယ်သမားအသင်း ဥက္ကဌ ဒေါက်တာ စိုးထွန်းက RFA ကို အခုလိုပြောတာဖြစ်ပါတယ်။

မြန်မာနိုင်ငံမှာ လယ်လုပ်သူ လယ်ပိုင်ခွင့်ဥပဒေလို လယ်သမားတွေကို အကာအကွယ်ပေးထားတဲ့ ဥပဒေတွေ အခိုင်အမာရှိနေတဲ့ကြားက နိုင်ငံတ၀ှမ်းမှာ အခုလို လယ်ယာသိမ်းခံရမှုတွေ ပေါ်ပေါက်နေခဲ့တာဖြစ်တယ်လို့ ဒေါက်တာစိုးထွန်းက ပြောပါတယ်။

မြန်မာနိုင်ငံမှာ လယ်မဲ့ယာမဲ့တွေများလာတဲ့အတွက် လယ်ယာလုပ်ငန်းစွန့်ခွာသူများပြားလာတာ၊ ဆန်တင်ပို့ရောင်းချတဲ့ နိုင်ငံအဖြစ်ကနေ ဆန်တင်သွင်းဝယ်ယူရတဲ့နိုင်ငံဖြစ်လာမယ့် အလားအလာတွေ ပေါ်ပေါက်လာတာ၊ ဆင်းရဲမွဲတေမှုနဲ့ လူမှုစီးပွားဘ၀ ထိခိုက်ပျက်စီးမှုကြောင့် နိုင်ငံရဲ့ဝင်ငွေ GDP ဆုတ်ယုတ်မယ့် အလားအလားတွေ ပေါ်ပေါက်လာနိုင်ကြောင်း ဒေါက်တာစိုးထွန်းက ထောက်ပြပါတယ်။

သမ္မတ ဦးသိန်းစိန်ရဲ့ အမိန့်နဲ့ ဖွဲ့စည်းထားတဲ့ မြေအသုံးချမှု စီမံခန့်ခွဲရေး ဗဟိုကော်မတီရဲ့ စာရင်းအရ မြန်မာနိုင်ငံတ၀ှမ်းက လယ်ယာအငြင်းပွားမှု ၇၄၀ ကျော်မှာ စစ်တပ်က သိမ်းယူထားတဲ့အမှု ၅၆၀ ကျော် ပါဝင်တယ်လို့ သိရပါတယ်။

RFA Burmese